ನವದೆಹಲಿ: ರಾಜಸ್ಥಾನದಲ್ಲೊಂದು ವಿಭಿನ್ನ ಪ್ರೇಮಕತೆ ನಡೆದಿದ್ದು ಮನೆಯವರೇ ಒಪ್ಪಿಗೆ ಕೊಟ್ಟಿರುವುದು ವಿಶೇಷ.
ಮಹಿಳಾ ಶಿಕ್ಷಕಿಯೊಬ್ಬರು ಲಿಂಗ ಬದಲಾವಣೆ ಮಾಡಿಕೊಂಡು, ತನ್ನ ವಿದ್ಯಾರ್ಥಿನಿಯನ್ನೇ ವಿವಾಹವಾಗುವುದರೊಂದಿಗೆ ಈ ಪ್ರೇಮ ಕಥೆ ಸುಖಾಂತ್ಯ ಕಂಡಿದೆ.
ಪ್ರೀತಿಗಾಗಿ ಏನೆಲ್ಲಾ ನಡೆಯಬಹುದು ಎಂಬುದಕ್ಕೆ ಇದು ಅಪ್ಪಟ ಉದಾಹರಣೆಯಾಗಿದೆ.
ಯುವತಿಯೊಬ್ಬಳು ಯುವಕನಾಗಿ ಯಶಸ್ವಿಯಾಗಿ ಬದಲಾಗಿ ಪ್ರೀತಿಸಿದವಳನ್ನೇ ಮದುವೆಯಾಗಿದ್ದಾರೆ.
ಭರತ್ಪುರ್ ಜಿಲ್ಲೆಯ ದೀಗ್ಗ್ ತೆಹಸಿಲ್ನಲ್ಲಿ ಈ ಪ್ರಕರಣ ನಡೆದಿದೆ.
ಗ್ರಾಮದ ವೀರ್ ಸಿಂಗ್ ಅವರಿಗೆ ನಾಲ್ವರು ಹೆಣ್ಣುಮಕ್ಕಳು. ಅವರಲ್ಲಿ ಕೊನೆಯವಳು ಮೀರಾ ಕುಂಟಾಲ್ ಕ್ರೀಡೆಯಲ್ಲಿ ಹೆಚ್ಚು ಸಕ್ರಿಯವಾಗಿದ್ದಳು.
ಕ್ರಿಕೆಟ್, ಹಾಕಿಯಲ್ಲಿ ರಾಷ್ಟ್ರ ಮಟ್ಟದ ಸ್ಪರ್ಧೆಗಳಲ್ಲಿ ನಾಲ್ಕು ಬಾರಿ ಭಾಗವಹಿಸಿದ್ದಳು. ಜೊತೆಗೆ ಓದಿ ಸರ್ಕಾರಿ ಮಾಧ್ಯಮ ಶಾಲೆಯಲ್ಲಿ ದೈಹಿಕ ಶಿಕ್ಷಕಿಯಾಗಿ ಕೆಲಸ ಮಾಡಿದ್ದಾರೆ.
ಬಾಲಕಿಯಾಗಿ ಹುಟ್ಟಿದ್ದರೂ ಆಕೆಯ ವರ್ತನೆ ಮತ್ತು ಹಾವಭಾವಗಳು ಹುಡುಗನಂತೆಯೇ ಇತ್ತು.
ಮೀರಾ ಶಾಲೆಯಲ್ಲಿ ಕಬ್ಬಡ್ಡಿ, ವಾಲಿಬಾಲ್ ತರಬೇತುದಾರರಾಗಿದ್ದರು.
ಅದೇ ಶಾಲೆಯ 10ನೇ ತರಗತಿ ವಿದ್ಯಾರ್ಥಿನಿ ಕಲ್ಪನಾಳನ್ನು ಮೀರಾ ಪ್ರೀತಿಸುತ್ತಿದ್ದರು.
ಕಲ್ಪಾನಾ ಪ್ರಥಮ ಮತ್ತು ದ್ವೀತೀಯ ಪಿಯುಸಿ ವೇಳೆಗೆ ರಾಜ್ಯಮಟ್ಟದ ಸ್ಪರ್ಧೆಗಳಲ್ಲಿ ಭಾಗವಹಿಸಿದ್ದಳು.
ಅಂತಾರಾಷ್ಟ್ರೀಯ ಪ್ರೋ ಕಬ್ಬಡ್ಡಿಗೂ ಆಯ್ಕೆಯಾಗಿ ಜನವರಿಯಲ್ಲಿ ದುಬೈಗೆ ತೆರಳಿ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದಳು.
ಇಬ್ಬರ ಪ್ರೇಮ ಗಾಢವಾಗಿದ್ದು ಮದುವೆಯಾಗಲು ನಿರ್ಧರಿಸಿದ್ದರು.
ಆದರೆ ಸಲಿಂಗ ಪ್ರೇಮಕ್ಕೆ ಸಮಾಜ ಒಪ್ಪದು ಎಂಬ ಆತಂಕದಿಂದ ಮೀರಾ ಲಿಂಗ ಬದಲಾವಣೆಗೆ ನಿರ್ಧರಿಸಿದ್ದರು.
2019ರಲ್ಲಿ ದೆಹಲಿಗೆ ತೆರಳಿ ವೈದ್ಯರನ್ನು ಸಂಪರ್ಕಿಸಿ ಸಮಾಲೋಚನೆ ನಡೆಸಿದರು.
ಕೆಲವು ವೈದ್ಯಕೀಯ ಪರೀಕ್ಷೆಗಳ ಬಳಿಕ ಅದೇ ವರ್ಷ ಡಿಸೆಂಬರ್ನಲ್ಲಿ ಮೊದಲ ಶಸ್ತ್ರ ಚಿಕಿತ್ಸೆಗೆ ಒಳಗಾದರು.
2021ರವರೆಗೂ ನಡೆದ ವೈದ್ಯಕೀಯ ಚಿಕಿತ್ಸೆಯ ಪರಿಣಾಮ ಮೀರಾ ಹುಡುಗನಾಗಿ ಬದಲಾಗಿದ್ದಾರೆ.ಅವರ ಹೆಸರು ಈಗ ಆರವ್.
ತಲೆಕೂದಲನ್ನು ಪುರುಷರ ರೀತಿಯಲ್ಲೇ ಕತ್ತರಿಸಿದ್ದು ಮೇಲ್ನೋಟಕ್ಕೇನೆ ಸಂಪೂರ್ಣ ಬದಲಾವಣೆಯಾಗಿದ್ದಾರೆ.
ಸಹೋದರಿಯರು ಆರವ್ಗೆ ರಾಕಿ ಕಟ್ಟಿದ್ದಾರೆ.
ಆರವ್ ಮತ್ತು ಕಲ್ಪಾನ ಮದುವೆಯ ಪ್ರಸ್ತಾಪವನ್ನು ಕುಟುಂಬದವರಿಗೆ ತಿಳಿಸಿದಗದು ಇಬ್ಬರ ಮನೆಯವರೂ ಒಪ್ಪಿಗೆ ಕೊಟ್ಟಿದ್ದಾರೆ.
ನವೆಂಬರ್ ನಾಲ್ಕರಂದು ಶಾಸ್ತ್ರೋಕ್ತವಾಗಿಯೇ ಇವರಿಬ್ಬರ ವಿವಾಹ ನಡೆದಿದೆ,ಅಷ್ಟೇ ಅಲ್ಲ ಪ್ರಿವೆಡ್ಡಿಂಗ್ ಶೂಟ್ ಕೂಡ ನಡೆದಿದೆ.
ಈಗ ನಮ್ಮ ಸಂಸಾರ ಸುಖವಾಗಿದೆ ಎಂದು ನವವಧು ಕಲ್ಪನಾ ಹೇಳಿದ್ದಾರೆ.
ನಾನು ಆತನನ್ನು ಆರಂಭದಿಂದಲೂ ಪ್ರೀತಿಸುತ್ತಿದ್ದೆ,ಮದುವೆಯಾಗಲು ನಿರ್ಧರಿಸಿದೆವು. ಆತನ ಲಿಂಗ ಪರಿವರ್ತನೆ ಸರ್ಜರಿ ನಡೆಯುವಾಗ ನಾನು ಜೊತೆಯಲ್ಲೇ ದೆಹಲಿಗೆ ಹೋಗಿದ್ದೆ ಎಂದು ಕಲ್ಪಾನಾ ಹೇಳಿದ್ದಾರೆ.ಲಿಂಗ ಬದಲಾವಣೆ ಮಾಡಿಕೊಳ್ಳಬೇಕು ಎಂದು ನನಗೆ ಯಾವಾಗಲೂ ಅನಿಸುತ್ತಿತ್ತು. 2019ರಲ್ಲಿ ಪ್ರಯತ್ನಕ್ಕೆ ಕೈ ಹಾಕಿದೆ ಈಗ ಸಂಪೂರ್ಣ ಬದಲಾಗಿದ್ದು ಕಲ್ಪನಾಳನ್ನ ವಿವಾಹವಾಗಿ ಸಂತಸದಿಂದ ಇದ್ದೇನೆ ಎಂದು ಆರವ್ ಹೇಳಿದ್ದಾರೆ
