ಚಿತ್ರದುರ್ಗ: ಶಾಸಕ ಜಿ.ಹೆಚ್.ತಿಪ್ಪಾರೆಡ್ಡಿ ಅವರಿಗೆ ಅನಾಮಧೇಯ ಯುವತಿ ನಗ್ನವಾಗಿ ವಿಡಿಯೋ ಕಾಲ್ ಮಾಡಿದ್ದು ಹನಿಟ್ರ್ಯಾಪ್ ಮಾಡುವ ಯತ್ನ ನಡೆದಿದೆ.
ಒಡಿಶಾ ರಾಜ್ಯದ ಸುನಂದಾ ಮಲ್ಲಿಕ್ ಶಾಸಕರಿಗೆ ನಗ್ನವಾಗಿ ವಿಡಿಯೋ ಕಾಲ್ ಮಾಡಿದ್ದಾಳಂತೆ.
ಚಿತ್ರದುರ್ಗ ವಿಧಾನಸಭಾ ಕ್ಷೇತ್ರದ ಹಿರಿಯ ಶಾಸಕ ಜಿ.ಹೆಚ್.ತಿಪ್ಪಾರೆಡ್ಡಿ ಅವರು ಕಳೆದ ಅಕ್ಟೋಬರ್ 31 ರಂದು ಬೆಳಗ್ಗೆ 8 ಗಂಟೆಯಲ್ಲಿ ತಮ್ಮ ನಿವಾಸದಲ್ಲಿ ಉಪಹಾರ ಮಾಡುತ್ತಿದ್ದರು.
ಆಗ 8456939133 ನಂಬರಿನಿಂದ ದೂರವಾಣಿ ಕರೆಯೊಂದು ಬಂದಿದೆ.
ಪ್ರತಿನಿತ್ಯ ಕ್ಷೇತ್ರದ ಜನತೆಯ ದೂರವಾಣಿ ಕರೆಗಳು ಬರುತ್ತಲೇ ಇರುತ್ಯವೆ.
ಹಾಗೆಯೇ ಈ ಕರೆಯು ಸಹ ಬಂದಿದೆ ಎಂದು ಕರೆಯನ್ನು ಸ್ವೀಕರಿಸಿದಾಗ ಆ ಮೊಬೈಲ್ ವಿಡಿಯೋ ಕರೆಯಲ್ಲಿ ಯುವತಿ ಹಿಂದಿಯಲ್ಲಿ ಮಾತನಾಡಿದ್ದಾಳೆ.
ಆಗ ಆ ಕರೆಯನ್ನು ಕಟ್ ಮಾಡಿದೆ,ಆದರೆ ಮತ್ತೆ ಮೂರು ಭಾರೀ ಕರೆ ಬಂದಿದೆ ನಂತರ ಕರೆ ಸ್ವೀಕರಿಸಿದಾಗ ಯುವತಿ ನಗ್ನಾವಾಗಿದ್ದು, ಖಾಸಗಿ ಅಂಗಾಂಗಗಳನ್ನು ತೋರಿಸಿದ್ದಾಳೆ ಆಗ ಕಾಲ್ ಕಟ್ ಮಾಡಿದ್ದಾರೆ.
ನಂತರ ತಕ್ಷಣವೇ ಅದೇ ನಂಬರ್ ನಿಂದ ವಿಡಿಯೋ ಮೆಸೆಜ್ ಒಂದುನ್ನು ಕಳುಹಿಸಿದ್ದಾರೆ.
ಆದ್ದರಿಂದ 8456939133 ಮೊಬೈಲ್ ನಂಬರಿನ ಯುವತಿಯ ವಿರುದ್ದ ಕಾನೂನು ಕ್ರಮ ಕೈಗೊಳ್ಳುವಂತೆ ಶಾಸಕರು ಸೈಬರ್ ಕ್ರೈಮ್ ಪೊಲೀಸ್ ಠಾಣೆಗೆ ಬುಧವಾರ ದೂರು ನೀಡಿದ್ದಾರೆ.
ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಜಿಲ್ಲಾ ಪೊಲೀಸ್ ರಕ್ಷಣಾಧಿಕಾರಿ ಕೆ.ಪರಶುರಾಮ್, ಶಾಸಕರು ನೀಡಿರುವ ದೂರನ್ನು ದಾಖಲಿಸಿಕೊಂಡಿದ್ದೇವೆ.
ಪ್ರತ್ಯೇಕ ತಂಡವನ್ನು ರಚಿಸಿ ಯುವತಿಯ ಪತ್ತೆ ಕಾರ್ಯ ಕೈಗೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.
ಯುವತಿಯ ನಗ್ನ ವಿಡಿಯೋ ಕರೆಯು ಶಾಸಕ ಜಿ.ಹೆಚ್.ತಿಪ್ಪಾರೆಡ್ಡಿ ಅವರನ್ನು ಹನಿಟ್ರ್ಯಾಪ್ ಮಾಡುವ ಮೂಲಕ ಸಂಕಷ್ಟಕ್ಕೆ ಸಿಲುಕಿಸುವ ಯತ್ನ ನಡೆಯುತ್ತಿದೆಯಾ ಎಂಬ ಶಂಕೆ ಸಾರ್ವಜನಿಕರಲ್ಲಿ ಮೂಡಿದ್ದು, ಪೊಲೀಸ್ ತನಿಖೆಯಿಂದ ಸತ್ಯ ಹೊರ ಬರಬೇಕಿದೆ.
