ಮೈಸೂರು: ಮೈಸೂರಿನ ಅವಧೂತ ದತ್ತ ಪೀಠದ ಶ್ರೀ ಗಣಪತಿ ಸಚ್ಚಿಂದಾನಂದ ಸ್ವಾಮೀಜಿಯವರ 80 ನೇ ವರ್ಷವನ್ನು ಆಚರಿಸುತ್ತಿರುವ ಆಚರಣೆಗಳ ಬಗ್ಗೆ ತಿಳಿದುಕೊಳ್ಳುವುದು ನನಗೆ ಅತ್ಯಂತ ಸಂತೋಷದಾಯಕವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿಯವರು ತಿಳಿಸಿದ್ದಾರೆ.
ಈ ಸಂತೋಷದ ಸಂದರ್ಭದಲ್ಲಿ ಸ್ವಾಮೀಜಿ ಅವರಿಗೆ ಶುಭಾಶಯಗಳು ಮತ್ತು ಹೃತ್ಪೂರ್ವಕ ಅಭಿನಂದನೆಗಳು ಎಂದು ಮೋದಿಯವರು ಶ್ರೀಗಳಿಗೆ ಸಂದೇಶ ಕಳುಹಿಸಿದ್ದಾರೆ.
ಅವಧೂತ ದತ್ತ ಪೀಠವು ಸ್ವಾಮಿಯವರಿಗೆ ಸಹಸ್ರ ಚಂದ್ರ ದರ್ಶನ ಮತ್ತು ಅತಿರುದ್ರ ಮಹಾ ಯಾಗದಂತಹ ಪವಿತ್ರ ಆಚರಣೆಗಳನ್ನು ನಡೆಸುವುದರ ಜೊತೆಗೆ ರಾಷ್ಟ್ರದ ಶಾಂತಿ , ಪ್ರಗತಿ ಮತ್ತು ಸಮೃದ್ಧಿಯನ್ನು ಬಯಸುವ ಉಪಕ್ರಮವು ಶ್ಲಾಘನೀಯವಾಗಿದೆ ಎಂದು ತಿಳಿಸಿದ್ದಾರೆ.
ವಿಶೇಷವಾಗಿ “ಸಹಸ್ರ ಚಂದ್ರ ದರ್ಶನ” ಅಂದರೆ ಒಬ್ಬರು ಜೀವನದಲ್ಲಿ ಒಂದು ಸಾವಿರ ಹುಣ್ಣಿಮೆಗಳನ್ನು ನೋಡುವುದು.
ಇದು ಸಮಾಜವನ್ನು ಮಾರ್ಗದರ್ಶಿಸಲು ದಶಕಗಳಿಂದ ಸಂಗ್ರಹಿಸಲ್ಪಟ್ಟ ಅನುಭವದ ಗುರುತು ಕೂಡ ಆಗಿದೆ.
ನಮ್ಮ ಋಷಿ ಮುನಿಗಳು ಮತ್ತು ಸಂತರು ನೀಡಿದ ಮಾರ್ಗದರ್ಶನವು ಮನುಕುಲಕ್ಕೆ ಸ್ಫೂರ್ತಿ ನೀಡುತ್ತಲೇ ಇದೆ.
ಅಂತೆಯೇ, ಸಾರ್ವತ್ರಿಕ ಭ್ರಾತೃತ್ವದ ಆದರ್ಶವನ್ನು ಸುತ್ತುವರೆದಿರುವ ತಮ್ಮ ಬೋಧನೆಗಳ ಮೂಲಕ, ಸ್ವಾಮೀಜಿ ಪ್ರತಿ ಜೀವಿಯಲ್ಲಿ ದೈವತ್ವವನ್ನು ಹುಡುಕುವಂತೆ ಪ್ರೇರೇಪಿಸಿದ್ದಾರೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಮಾನವೀಯತೆಯನ್ನು ಅಭ್ಯಾಸ ಮಾಡುವ ಆದರ್ಶವು ಸ್ವಾಮೀಜಿ ಅವರ ಬೋಧನೆಗಳ ತಿರುಳಾಗಿದೆ.
ಸ್ವಾಮೀಜೀ ಮತ್ತು ಪೀಠದವರು ತೊಡಗಿಸಿಕೊಂಡಿರುವ ವಿವಿಧ ಸಾಮಾಜಿಕ ಕಾರ್ಯಗಳು, ಪಕ್ಷಿಗಳನ್ನು ನೋಡಿಕೊಳ್ಳುವ ಶುಕ ವನದಿಂದ ಹಿಡಿದು ಜನರ ಸೇವೆಗಳು ಸಮಾಜದ ಮೇಲೆ ಪ್ರಭಾವ ಬೀರುತ್ತವೆ ಮತ್ತು ಸೇವೆಯ ಸಂದೇಶವನ್ನು ಹರಡುತ್ತಲೇ ಇರುತ್ತವೆ.
ಶ್ರೀ ಗಣಪತಿ ಸಚ್ಚಿಂದಾನಂದ ಸ್ವಾಮೀಜಿಯವರ 80 ನೇ ವರ್ಷದ ಸಂಭ್ರಮಾಚರಣೆಯ ಶುಭಾಶಯಗಳು ಎಂದು ನರೇಂದ್ರ ಮೋದಿಯವರು ತಮ್ಮ ಸಂದೇಶದಲ್ಲಿ ತಿಳಿಸಿದ್ದಾರೆ.
ಜನರಿಗೆ ಮಾರ್ಗದರ್ಶನ ನೀಡಲು, ಸಮಾಜಕ್ಕೆ ಸೇವೆ ಸಲ್ಲಿಸಲು ಮತ್ತು ರಾಷ್ಟ್ರದ ಪ್ರಗತಿಗೆ ಕೊಡುಗೆ ನೀಡಲು ಸ್ವಾಮೀಜಿ ಅವರಿಗೆ ದೀರ್ಘಾಯುಷ್ಯವನ್ನು ಭಗವಂತ ನೀಡಲಿ ಅವರು ಪ್ರಾರ್ಥಿಸಿದ್ದಾರೆ.
